लागुऔषध सहित दुइ युवा पक्राउ
भञ्ज्याङ न्यूज
तनहुँको आँबुखैरेनी गाउँपालिका-४ पुलजीपबाट लागुऔषध सहित दुइ जना पक्राउ परेका छन् । वीरगञ्जबाट पोखरा तर्फआउँदै गरेको ना४ख २५४९ नम्बरको बस चेकजाँच गर्ने क्रममा प्रहरीले लागुऔषध सहित दुइ जना पक्राउ परेको प्रहरीले जनाएको छ ।
पक्राउ पर्नेमा वीरगञ्ज महानगरपालिका-१८ बस्ने १८ वर्षीय विशाल सराव र कास्कीको पोखरा महानगरपालिका-१५ बस्ने ५४ वर्षीय जितेन्द्र गुरुङ रहेको प्रहरी नायब उपरिक्षक मोहनबहादुर खाँणले जानकारी दिए ।
विशालको साथबाट डाइजेपाम १००, फेनरागन १००, नुफिन १०० गरी ३०० एम्पुल बरामद गरेको छ । निजलाई नियन्त्रणमा लिइ सोधपुछ गर्दा गुरुङ समेतलाई पक्राउ गरिएको हो । दुवै विरुद्ध तनहुँ अदालतमा पाँच दिनको म्याद थप गरिएको छ।
