तनहुँको शुक्लागण्डकी-९ बालविवाह मुक्त वडा घोषणा
- भञ्ज्याङ समाचारदाता (दुलेगौंडा)
तनहुँको शुक्लागण्डकी नगरपालिका-९ ले आफ्नो वडा भित्र उमेर नपुगी हुने विवाहलाई बन्देज लगाउने भएको छ । गत फागुनदेखि चैत्रसम्म विद्यालय र टोलटोलमा सचेतना मुलक कार्यक्रम सञ्चालन गरेको वडाले विहिबार बालविवाह मुक्त वडा घोषणा गरेको हो । नेकपा शुक्लागण्डकीका अध्यक्ष मुक्तिनाथ तिम्सेनाले उमेर नपुगी हुने विवाहलाई बन्देज गर्ने निर्णय गरिनु सकरात्मक भएको भन्दै कार्यन्वयन पक्षलाई बलियो बनाउनुपर्ने जोड दिए । तिम्सेनाले धार्मिक मान्यताको रुपमा हुँदै आएको बालविवाहलाई अपराध वा घटनाको रुपमा बुझन् बर्तमान समयको माग रहेको बताएका थिए ।
वडाध्यक्ष लोक नारायण श्रेष्ठले प्रत्येक टोलका अभिभावक र विद्यालयहरुमा प्रत्येक्ष रुपमा किशोरीहरुसँग अन्तरक्रिया कार्यक्रम गरेर बालविवाहको असरबारे जानकारी दिइएकोले कार्यक्रम प्रभावकारी हुने विश्वास व्याक्त गरे । उनले प्रत्येक घरमा बालविवाह गर्न नपाइने स्टीकर टाँस गर्ने र कतै हुन लागेको खण्डमा प्रशासनमा जानकारी गराउन समेत आग्रह गरे ।
नगरपालिकाको विभिन्न वडामा हरियो बन, यूएसएआईडी, डब्लुडब्लुएफ, एनटिएनसी लगायतका गैसरकारी संस्थाहरुको पहलमा बाल विवाह मुक्त वडा घोषणा भईरहेका छन् । यस अघि नगरपालिकाको वडा नं. १० समेत बाल विवाहमुक्त वडा घोषणा भईसकेको छ ।
