व्यास नगरपालिका-६ को वडा कार्यालय भवन शिलान्यास

तनहुँको व्यास नगरपालिका-६ को वडा कार्यालय भवन शिलान्यास गरिएको छ । साविकको गाविस भवनमा सञ्चालन हुँदै आएको वडा कार्यालयको नयाँ भवन निर्माणका मंगलबार भवन शिलान्यास गरिएको हो ।

नगरप्रमुख बैकुण्ठ न्यौपानले मंगलबार भवनको शिलान्यास गर्दै वडा कार्यालयको भवन निर्माणपछि सेवा प्रवाहका लागि सजिलो हुने बताए ।

आगामी असोज महिनाभत्रि भवन निर्माण सम्पन्न गर्ने गरी काम अगाडि बढाइएको वडाध्यक्ष जीवन गुरुङले बताए । ६४ लाख रुपैयाँको लागतमा निर्माण गरिने भवन एक तल्लाको र तीन कोठाको हुने वडाध्यक्ष गुरुङले बताए ।

यस्तै, नगरप्रमुख न्यौपानले मंगलबार सोही वडामा २५ लाख रुपैयाँका लागतमा निर्माण सम्पन्न स्वास्थ्यचौकी पनि उद्घाटन गरेका छन् ।

सेयर गर्नुहोस्

प्रतिक्रिया दिनुहोस्

सम्बन्धित खवर