घिरिङमा भरुवा बन्दुक सहित एक जना पक्राउ
तनहुँको घिरिङ गाउँपालिका–४ करूवाटार स्थित सालिग्राम कोरीडोर मोटर मार्गमा गत शुक्रबार दिउँसो एकनाले भरुवा बन्दुकको साथमा एक जनालाई पक्राउ परेका छन् । पक्राउ पर्नेमा सोही ठाउँका ५९ वर्षीय टेकबहादुर सोती मगर रहेको जिल्ला प्रहरी नायव उपरीक्षक मोहनबहादुर खाँणले बताए ।
अवैध रुपमा एकनाले भरुवा बन्दुक सहित हिडिरहेका मगरको शरिरमा खानतलासी गर्दा उनको साथबाट फलामको छर्राका टुक्रा, बारुद, प्लाष्टिक कागजको टुक्रा, पटका समेत फेला परेको खाँणले बताए । मगरलाई हातहतियार खरखजना मुद्दा शिर्षकमा आइतबार जिल्ला अदालतमा उपस्थित गराइएकोमा ७ दिनको म्याद थप लिई अनुसन्धान भइरहेको जिल्ला प्रहरी कार्यालयले जनाएको छ ।
