आदिकवि भानुभक्त क्याम्पसमा हृयाप्पिनेस कार्यक्रम

तनहुँको दमौली स्थित आदिकवि भानुभक्त क्याम्पसमा हृयाप्पिनेस कार्यक्रम गरिएको छ । गत बुधवारदेखि क्याम्पसले आफ्ना विद्यार्थी र प्राध्यापक तथा कर्मचारीहरुलाई लक्षित गरी उक्त कार्यक्रम सञ्चालन गरी मंगलबार सम्पन्न गरिएको हो ।

कार्यक्रमको शुभारम्भ गर्दै व्यास नगरपालिकाका प्रमुख वैकुण्ठ न्यौपानेले आ.व. २०८०/०८१ को व्यास नगरपालिकाको बजेटमा नगर भित्र योग, ध्यान तथा धार्मिक सभा भवन निर्माणका लागि बजेट प्रस्ताव गरेको बताए ।

कार्यक्रममा पेशागत जिम्मेवारी सफलतापूर्वक निर्वाह गर्दा प्राध्यापक एवं कर्मचारीहरुले दवाव, झमेला र मानसिक तनावबाट ग्रसित हुनपर्ने भएकाले त्यसबाट मुक्त गराउनका लागि यस प्रकारका कार्यक्रमले सहयोग पुग्ने उनले विश्वास व्यक्त गरे ।

आर्ट अफ लिभिङ इन्टरनेशनल सेन्टर, ब्याङलोर भारतसंग आबद्ध आर्ट अफ लिभिङ्गका मुख्य प्रशिक्षक स्वामी डा. पूणर्तेजजी र हृयाप्पीनेश कार्यक्रमका प्रशिक्षक एवं नेपाल सरकारका उपसचिव उर्मीला काफ्लेले सहभागिहरुलाई प्रशिक्षण दिएका थिए ।

६ दिनमा २० घण्टा सञ्चालन गरिएको हृयाप्पिनेस प्रोग्राममा पहिलो चरणमा वि.वि.ए. कार्यक्रममा अध्ययनरत ४६ जना विद्यार्थीहरुको सहभागिता रहेका थिए । दोश्रो चरणको कार्यक्रममा प्राध्यापक/कर्मचारीहरुको सहभागीता रहेका थिए ।

कार्यक्रममा योग, ध्यान, प्रणायम, सुदर्शन क्रिया, वैदिक ज्ञानका विषयमा अभ्यास तथा प्रशिक्षण दिइएको थियो । सो अवसरमा सहभागीहरुले ६ दिनको सिकाइबाट तनाव, चिन्ता र दुःखबाट राहात मिलेको, शरिरलाई स्वास्थ्य राख्न सहज भएको, सृजनात्मक तथा सकारात्मक सोचको विकास भएको, निर्णय क्षमता र आत्मविश्वासमा विकास भएको महसुस गरेको बताएका थिए ।

क्याम्पस र स्वतन्त्र विद्यार्थी युनियनको संयुक्त आयोजनामा गरिएको कार्यक्रममा सहभागिताका लागि प्रति विद्यार्थी १ हजार ५ सय रुपैयाँ स्ववियुले खर्च व्यवस्थान गरेको क्याम्पस प्रमुख महाप्रसाद हड्खले जानकारी गराए ।

सेयर गर्नुहोस्

प्रतिक्रिया दिनुहोस्

सम्बन्धित खवर