चैते दशैको अवसर पारि कालिका मन्दिरको उद्घाटन

तनहुँको व्यास नगरपालिका-४ स्थित शान्ति पार्कभित्र रहेको तनहुँ कालिका मन्दिरको निर्माण सम्पन्न भएको छ । निर्माण सम्पन्न भएको कालिका मन्दिर चैते दशैंको अवसर पारि उद्घाटन गरिएको छ ।

मन्दिरको उद्घाटन गर्दै संघीय सांसद कृष्णकुमार श्रेष्ठले मन्दिर क्षेत्रमा थप पूर्वाधार निर्माणको खाँचो रहेको बताए । उनले भने, ‘पर्यटकलाई लोभ्याउन मन्दिरको छेउछाउ थप पुर्वाधारको निर्माण गर्न सके आकर्षण पनि देखिन्छ ।’ पुर्वाधार बिकासका लागि संघ सरकारको तर्फबाट पनि रकम विनियोजन गर्ने बताए ।

यस्तै, गण्डकी प्रदेश सांसद रामबहादुर गुरुङले धार्मिक पर्यटकलाई आकर्षण गर्न यस मन्दिरले थप सहयोग पुग्ने बताए । जिल्ला समन्वय समितिका प्रमुख शान्तिरमण वाग्लेले मन्दिर सञ्चालनको जिम्मा स्थानिय पालिकाले लिनुपर्ने धारणा व्यक्त गरेका थिए । तनहुँ उद्योग वाणिज्य संघका नवनिर्वाचित अध्यक्ष पविन्द्रकुमार श्रेष्ठले मन्दिरलाई धार्मिक पर्यटन विकासमा रुपमा अगाडी बढाउनु पर्ने बताएका थिए ।

एक सय नयाँ पर्यटकीय गन्तव्यको रुपमा सूचीकृत शान्ति पार्कभित्र मल्लकालिन प्यागोडा शैलीको मन्दिर करिव ३ करोड रुपैया लागतमा निर्माण भएको जनाइएको छ । तीन तले र ५५ फिट उचाईको मन्दिरमा मन्दिरमा ९ फिट उचाईको गजुर राखिएको छ । यस्तै, एक कार्यक्रमबीच व्यास-४ सिमलटारमा स्थित जानकी आमा समुहले मन्दिरको लागि ११ हजार एक सय ११ रुपैयाँ सहयोग गरेको छ ।

सेयर गर्नुहोस्

प्रतिक्रिया दिनुहोस्

सम्बन्धित खवर