रोट्रयाक्ट क्लव अफ भानुद्वारा शैक्षिक सामाग्री वितरण
भञ्ज्याङ समाचारदाता/भानु
रोट्रयाक्ट क्लव अफ भानुले भानु नगरपालिका वडा नं. १३ स्थित नेपाल इस्लामिक हनफिया मदर्शा प्राथमिक विद्यालयका बालबालिकालाई शैक्षिक सामग्री वितरण गरेको छ । विद्यालयका १६ जना विद्यार्थीलाई कापी, कलम, इरेजर लगायतका शैक्षिक सामाग्री सहयोग गरेको क्लबले जनाएको छ ।
कार्यक्रममा भानु नगरपालिकाका प्रमुख आनन्दराज त्रिपाठीले बालबालिकाको पठनपाठनमा सहयोग पुर्याउने उद्देश्यले क्लबले सहयोग गरेको प्रति आभार व्यक्त गर्दै समाज परिवर्तनका लागि अझै उत्कृष्ट कार्यक्रम गर्न अनुरोध गरे ।
क्लबका अध्यक्ष राजिब राउत अध्यक्षतामा आयोजित कार्यक्रममा भानु-१३ का वडाध्यक्ष कृष्णबहादुर अधिकारी, क्लबका पूर्व अध्यक्ष अबिन परियार, स्थानीय महमद खालिद मियाँ, विद्यालयकी प्रधानाक्यापक सिमा रानी मियाँ लगायतले आ-आफ्ना विचार व्यक्त गरेका थिए ।
रोट्रयाक्ट क्लव अफ भानुले नगर क्षेत्रमा विभिन्न सामाजिक काम गर्दै आएको छ । स्थापनाको छोटो समयमा नै क्लबले भानु क्षेत्रको शिक्षा, स्वास्थ्य, सरसफाईका साथै युवाहरुमा नेतृत्व बिकास लगायतका क्षेत्रमा काम गरेको बताइएको छ ।
