डुम्रे साँकृतिक युवा परिवारद्वारा दानबीर दम्पतीलाई सम्मान
तनहुँको डुम्रेमा दानबीर दम्पतीलाई सम्मान गरिएको छ । डुम्रे साँस्कृतिक युवा परिवारले शनिवार एक कार्यक्रमका बीच संस्थाको भवन रहेको १२ आना जग्गा हालको मूल्यांकनमा करिब २ करोडको जग्गा हाल चितवन निवासी ध्रुवलाल पिया र उहाँकी धर्मपत्नी विष्णुदेवी पियाले दान दिनुभएको थियो ।
पिया दम्पतीले डुम्रेको अति महत्त्वपूर्ण जग्गा युवा परिवारको लगाएत डुम्रे प्रहरी चौकी, गाउँसेवा कोष र मन्दिरका लागि पनि दान दिनु भएको छ । यी सबै गरी डुम्रेमा सामाजिक संघ-संस्थालाई गरि करिब ५ करोडको जग्गा दान दिनु भएको बन्दिपुर १ का वडा अध्यक्ष शिव कुमार श्रेष्ठले जानकारी दिनुभयो । दानबीर दम्पतीलाई युवा परिवारले २८औं वाषिर्क साधारणसभा तथा १४ औं अधिवेशन एवं सम्मान कार्यक्रमको अवशरमा सम्मान गरेको हो ।
कार्यक्रममा बन्दिपुर गाउँपालिकाका अध्यक्ष सुरेन्द्र थापाले सामाजिक कामका लागि मन फुकाएर जग्गा दान दिनु भएको पिया दम्पती प्रति आभार ब्यक्त गर्दै युवा परिवारले समाजमा खेलेको भूमिका प्रति प्रशंसा गर्नुभयो ।
युवा परिवारका अध्यक्ष कैलास श्रेष्ठको अध्यक्षतामा भएको कार्यक्रममा दानबीर ध्रुवलाल पियाले आफूले दान दिएको संस्थाले प्रगति गरेको देख्न र सुन्न पाउँदा अत्यन्तै खुशी लागेको बताउनुभयो । वडा अध्यक्ष शिवकुमार श्रेष्ठ, राष्ट्रिय भूमि आयोेग तनहुँका अध्यक्ष रामचन्द्र अधिकारी, वडा नं ४ का वडा सदस्य भिम घले, तनहुँ उद्योग वाणिज्य संघका निवर्तमान अध्यक्ष मानकाजी श्रेष्ठ, डुम्रे टोल बिकास संस्थाका अध्यक्ष भगवान श्रेष्ठ, युवा परिवारका पूर्व अध्यक्ष शिवकाजी पिया लगाएतले डुम्रे साँस्कृतिक परिवारले कला-सँस्कृति, सचेतनामूलक कार्यक्रम, परोपकार कार्यक्रम, सरसफाइ अभियान, दुर्व्यसनी नियन्त्रण, खेलकूद गतिविधि लगाएतका क्षेत्रमा पुर्याएको योगदानको चर्चा गर्दै शुभकामना ब्यक्त गर्नुभएको थियो ।
युवा परिवारका उपाध्यक्ष बिक्की गुरुङले स्वागत गर्नु भएको कार्यक्रममा कोषाध्यक्ष बाबुल गुरुङले संस्थाको आय-ब्यय विवरण प्रस्तुत गर्नुभएको सह-सचिव इश्वर नेपालले जानकारी दिनुभयो ।
यस्तै, युवा परिवारको नयाँ नेतृत्व भने चयन हुन सकेन । अध्यक्षमा बिक्की गुरुङलाई सहमति जुटे पनि उपाध्यक्ष पदमा निवर्तमान सचिव शम्भु श्रेष्ठ र निवर्तमान कोषाध्यक्ष बबुल गुरुङ र सचिबमा निवर्तमान सह-सचिव किशोर नेपाल र सदस्य सुनिता शाही बीच सहमति नजुटे पछि अर्को सुचना नआउन्जेल सम्मका लागि निर्वाचन कार्यक्रम स्थगित गरिएको निर्वाचन समितिका संयोजक राजेन्द्र पियाले जानकारी दिनुभयो ।
