सिंगुसले चिल्दा बन्दीपुरको भुँडाटारका तीन जना घाइते
भञ्ज्याङन्यूज
सिंगुसले चिल्दा तनहुँको बन्दीपुर गाउँपालिका-१ को भुँडाटारका तीन जना घाइते भएका छन् ।
बुधबार बिहान स्थानीय ६३ वर्षीया लक्ष्मी पाण्डे घाँस काट्नका लागि घर नजिकै वन छेउमा पुग्दा ठूलो हुलमा आएका सिंगुसले चिलेर गम्भिर घाइते बनाएको उनका श्रीमान् टेकनाथ पाण्डेले जानकारी गराए ।
घाइते पाण्डेको चितवन मेडिकल कलेजमा आईसियुमा राखेर उपचार भैरहेको श्रीमान टेकनाथले बताए ।
यस्तै, दिउँसो करिब ४ बजेको समयमा सोही ठाउँमा बस्ने अन्दाजी ५० वर्षका जितबहादुर नेपाली र उनकी २० वर्षीया छोरी सन्सिता नेपालीलाई पनि सिँगुसले चिलेर घाइते बनाएको छ ।
जितबहादुरलाई सयभन्दा बढी र छोरी सन्सितालाई १५/२० वटाले चिलेर घाइते बनाएको बन्दीपुर-१ का वडा सदस्य प्रेमबहादुर शाहीले जानकारी गराए ।
घाइते दुबै जनाको डुम्रेस्थित मोति मेडिकल हल डुम्रेमा उपचार गरिएको वडा अध्यक्ष शिवकुमार श्रेष्ठले बताए ।
