वडाध्यक्षको फेसबुक ह्याक गरी ठगी गर्ने पक्राउ
तनहुँको म्याग्दे गाउँपालिका-४ का वडाध्यक्ष दीपककुमार श्रेष्ठको फेसबुक हृयाक गरी रकम ठगी गरेको अभियोगमा एक जना पक्राउ परेका छन् ।
पक्राउ पर्नेमा र्सलाहीको बागमती नगरपालिका-१ बस्ने २६ वर्षीय सुमन बुढाथोकी रहेको जिल्ला प्रहरी कार्यालय तनहुँले जनाएको छ । बुढाथोकीलाई विहीबार इलाका प्रहरी कार्यालय हरिवन र्सलाहीको आवश्यक सहयोगमा र्सलाहीको बागमती नगरपालिका-१ बाट पक्राउ गरिएको प्रहरी कार्यालय तनहुँले जनाएको छ ।
निज बुढाथोकीले श्रेष्ठको फेसबुक हृयाक गरी लमजुङको मध्यनेपाल नगरपालिका-३ सूर्यपाल बस्ने आकाश गुरुङलाई म्यासेन्जर मार्फत रकमको आवश्यकता परेको भन्दै म्यासेज गरेका दिए । निजले विश्वासमा लिइ इसेवामार्फत विसं २०८१ वैशाख १९ गतेदेखि पटक पटक गरी एक लाख रुपैयाँ पठाउन लगाई ठगी गरेको भनी आकाश गुरुङले प्रहरीमा उजुरी दिएका थिए ।
प्रहरीको अनुसन्धानपश्चात् रकम ठगी गर्ने व्यक्ति खोजतलास गर्ने क्रममा बुढाथोकी पक्राउ परेको प्रहरीले जनाएको छ । निजलाई तनहुँ अदालतबाट ठगी सम्बन्धी कसुरमा म्याद थप गरिएको छ ।
