आँवुखैरेनीका सार्वजनिक तथा निजी सवारी साधनमा डस्टविन राखिने

आँवुखैरेनी : तनहुँको आँबुखैरेनी गाउँपालिका भित्र सञ्चालन हुने सार्वजनिक तथा निजी सवारी साधनमा डस्टविन राखिने भएको छ । इलाका प्रहरी कार्यालय आँबुखैरेनीले सार्वजनिक तथा निजी सवारी साधनमा डस्टविन अनिवार्य कार्य योजना लागु गर्न बिहीबार समन्वयात्मक बैठक गरेको छ ।

सवारी साधनहरूमा यात्रुहरूले प्रयोग गरेका फोहोर वस्तुहरू सवारी साधनबाटै सडकमा फ्याकिने प्रवृत्तिलाई नियन्त्रण गर्दै वातावरणीय प्रदूषण रोकथाम र स्वच्छता प्रवद्र्धन गर्ने उद्देश्यले सवारी साधनमा डस्टबिन अनिवार्य गर्न लागिएको इप्रका आँबुखैरेनीका प्रहरी निरीक्षक टेकप्रसाद सुवेदीले जानकारी दिए ।

स्थानीय जनप्रतिनिधिहरू, यातायात व्यवसाय समितिका पदाधिकारीहरू, आँबुखैरेनी बजार क्षेत्रका टोल सुधार समितिका प्रतिनिधिहरू, विभिन्न संघ÷संस्थाका प्रतिनिधिहरू तथा प्रहरी कर्मचारीहरूको संयुक्त बैठकले उक्त निर्णय गरेको हो ।

यस सरोकारपूर्ण र वातावरणमैत्री अभियानलाई सफल पार्नका लागि स्थानीय तह, सम्बद्ध निकाय, यातायात व्यवसायी, यात्रु महानुभावहरू, सञ्चारकर्मी, सामाजिक संघ÷संस्थाहरू तथा सम्पूर्ण नागरिकहरूलाई आवश्यक सहयोग र सहकार्य गर्न आग्रह गरिएको प्रहरी निरीक्षक सुवेदीले बताए ।