लायन्स क्लबद्वारा चेपाङ बालबालिकालाई न्यानो कपडा सहयोग
भञ्ज्याङ समाचारदाता/दमौली

तनहुँको व्यास नगरपालिका-११ तनहुँसुरस्थित सूर्योदय प्राथमिक विद्यालयमा अध्ययनरत चेपाङ विद्यार्थीलाई न्यानो कपडा वितरण गरिएको छ । लायन्स क्लव अफ तनहुँ दमौलीले विद्यालयका ३० जना बालबालिकालाई मंगलबार न्यानो कपडा सहयोग गरेको हो ।
न्यानो कपडाको अभावमा जाडो महिनामा काम्दै विद्यालय आउने गरेका चेपाङ बालबालिकालाई स्वीटर र टोपी सहयोग गरेको क्लवका अध्यक्ष राजु रानाले बताए ।










