मिर्गौलापीडितलाई आर्थिक सहयोग
- भञ्ज्याङ समाचारदाता (दमौली)
तनहुँको व्यास नगरपालिका-४ निवासी दुवै मिर्गौलापीडित अब्दुल गफारको उपचारका लागि तनहुँ समाज अष्ट्रेलियाबाट आर्थिक सहयोग प्राप्त भएको छ । व्यास नगरपालिकाका प्रवक्ता मोहनकुमार श्रेष्ठले तनहुँ समाज अष्ट्रेलियाबाट प्राप्त भएको ४१ हजार ५०५ रुपैयाँ गफारको पत्नी सायरा बुनु कोपिलालाई हस्तान्तरण गरेका छन् ।
मिर्गौलापीडितलाई दमौलीका लक्ष्मीभक्त खनाल र व्यास युथ क्लबको अध्यक्ष मीनबहादुर गुरुङको आर्थिक सहयोग रकम संकलनमा भूमिका खेलका थिए । विभिन्न सञ्चारमाध्यमबाट दुवै मिर्गौला प्रत्यारोपणका लागि रकम अभाव भएको थाहा पाएपछि सहयोग गरेको समाजका महासचिव सूर्य खनालले बताएका छन् ।
