जेसीआई व्यास नगरमा खनालको अध्यक्षतामा नयाँ कार्यसमिति निर्वाचित
भञ्ज्याङ न्यूज
जेसीआई व्यास नगर नयाँ कार्यसमिति निर्वाचित गरेको छ । शनिबार सम्पन्न २६औं शाखा अधिवेशनमा अध्यक्षका लागि भएको मतदानमा लक्ष्मीभक्त खनाल निर्वाचित भएका छन् । उनले ७० मत प्राप्त गर्न सफल भएका थिए ।
अध्यक्षका उम्मेदवार नवीन पुरीले २१ तथा अर्का उम्मेदवार इन्द्रलाल श्रेष्ठले दुइ मत पाएका थिए । निर्वाचनमा ९५ मत खसेकामा दुइ मत बदर भएको थियो ।
नव निर्वाचित अध्यक्ष खनालले सबैलाई समेटेर अघि बढ्ने प्रतिवद्धता जनाएका छन् । अध्यक्षका आकांक्षी कृष्ण सुनार र सुमित ढुङ्गानाले भने उम्मेदवारी फिर्ता लिएका थिए । बाँकी पदमा र्सवसम्मत चयन भएका छन् ।
संस्थाको कार्यकारी उपाध्यक्षमा कर्ण बहादुर गुरुङ र राजेश मल्ल सर्वसम्मत निर्वाचित भएका छन् भने उनलाई पुरी र श्रेष्ठले बधाई ज्ञापन गरेका थिए ।
कार्यक्रममा पूर्व अध्यक्ष रमेश अधिकारी, निर्वाचन आयुक्त पाबिन्द्र भट्टराइ तथा वर्ष २०२० का अध्यक्ष भरतकुमार श्रेष्ठले निर्वाचित अध्यक्षसहित कार्यसमितिलाई बधाई ज्ञापन गरेका थिए ।
२६औं शाखा अधिवेशनले र्सवसम्मत रुपमा गुरुङ र मल्ललाई निर्वाचित गरेको हो । अधिवेशनबाट उपाध्यक्षमा सनम अधिकारी, पवन पौडेल, टिका मक्राती र संजीव घिमिरे र्सवसम्मत चयन भएका छन् ।
यस्तै, निर्वाचित अध्यक्ष खनालले कानूनी सल्लाहकारमा राजु रानालाई मनोनयन गरेका छन् । बाँकी पदमा भने मनोनयन हुन बाँकी रहेको बताइएको छ ।
