आँवुखैरेनीमा नागरिक सहायता कक्ष सञ्चालन

तनहुँको आँवुखैरेनी गाउँपालिकाले नागरिक सहायता कक्षा सञ्चालन गरेको छ । गाउँपालिकाले आफ्ना नागरिकलाई सहज रुपमा सेवा दिनको लागि नागरिक सहायता कक्ष सञ्चालन गरेको हो। गाउँपालिकाले केही दिन यता गाउँपालिका कार्यालय परिसरमा नै नागरिक सहायता कक्षको स्थापना गरी सञ्चालन गर्दै आएको छ ।

नागरिक सहायता कक्षमा गाउँपालिकाले छुट्टै कर्मचारीको व्यवस्था गरेको गाउँपालिकाका प्रमुख प्रशासकीय अधिकृत विष्णुप्रसाद पोखरेलले बताए । अधिकृत पोखरेलका अनुसार सहायता कक्षबाट हाल सेवाग्राहीहरुको कागजपत्र मिलाईदिने, निवेदन लेखिदिने लगायत आवश्यक सेवा अनुसार परामर्शको काम समेत गरिने छ ।

यस्तै गाउँपालिकाले निःशुल्क फोटोकपी गरिदिने समेत व्यवस्था गर्ने भएको छ । अधिकृत पोखरेलले भने, ‘अब हामी छिट्टै नयाँ भवनबाट सेवा सुरु गर्ने तयारीमा छौं, त्यसपछि नागरिक सहायता कक्षबाट नागरिकलाई निःशुल्क रुपमा फोटोकपी गर्ने व्यवस्था समेत गर्नेछौं ।’

सेयर गर्नुहोस्

प्रतिक्रिया दिनुहोस्

सम्बन्धित खवर