घरदैलोमा पुगेर स्वास्थ्य अवस्था बुझ्दै संक्रमितलाई हौसला बढाउँदै देवघाटका गाउँपालिका अध्यक्ष थापा

आशिक राना/देवघाट

दोश्रो लहरको कोरोना भाइरस (कोभिड-१९)बाट तनहुँका ५३० जना संक्रमित भएका छन् । संक्रमित मध्ये ५८ जना निको भएका छन् भने ११ जनाको मृत्यु भएको छ । २६ जना संक्रमितहरुको अहिले जीपी कोइराला राष्ट्रिय श्वासप्रश्वास उपचार केन्द्र र दमौली अस्पतालको आइसोलेशनमा उपचार भइरहेको छ भने ४६१ जना संक्रमितहरु होम आइसोलेशनमा बसि स्वास्थ्य लाभ लिइरहेका छन् ।

स्वास्थ्यमा गम्भिर समस्या नदेखिएका संक्रमितहरु अहिले होम आइसोलेसनमा बस्दै आएका छन् । होमआइसोलेशनमा बसेकाहरुको स्वास्थ्य अवस्था र अन्य समस्याका विषयमा अहिले जिल्लाका १० वटै पालिकाले निगरानी तथा स्वास्थ्य अवस्था बुझ्ने संयन्त्र समेत बनाएका छन् ।

तनहुँको देवघाट गाउँपालिले होम आइसोलेशनमा बसेका संक्रमितको स्वास्थ्य अवस्था र समस्याका विषय बुझ्न घरदैलो कार्यक्रम चलाउन थालेको छ । गाउँपालिकाका वडा नम्बर ५ मा कोरोना भाइरस संक्रमितहरुलाई स्वास्थ्य सामग्रीसंगै स्वास्थ्य अवस्था बुझन गाउँपालिका अध्यक्ष दुर्ग बहादुर थापा सहितको टोली घरदैलो अभियानमा खट्टएिको छ ।

देवघाट-५ का वडाध्यक्ष याल बहादुर गुरुङ, वडा सदस्य भोजराज नैनावस्ति, गाउँपालिकाका स्वस्थ्य प्रमुख प्रदीप बुढाथोकी, देवघाट इलाका प्रहरी इन्चार्ज सुशील लामिछाने सहितको टोली संक्रमितको घरदैलोमा पुगेको छ ।

कोभिड-१९ संक्रमित ब्याक्तिहरुलाई स्वास्थ्य मापदण्ड अपनाएर स्वास्थ्य सामाग्रीसंगै स्वास्थ्य अवस्था बारे जानकारी लिई संक्रमित ब्याक्तिहरुलाई स्वास्थ्यको कामना सहित हौसला प्रदान गरिएको गाउँपालिका अध्यक्ष दुर्ग बहादुर थापाले बताए ।

विश्व महामारीको रुपमा फैलिएको कोरोना भाइरसबाट देवघाट बासीलाई सुरक्षित राख्न विभिन्न प्रवेश नाकाहरुमा अनावश्यक रूपमा आवतजावत गर्ने मानिसहरुलाई निग्रानीमा राखी थप सुरक्षामा कडाइ गरेको अध्यक्ष थापाले बताए ।

देवघाट-५ का वडाध्यक्ष याल बहादुर गुरुङले गाउँपालिकाको ५ नं. वडा धार्मिक पर्यटकीय स्थल भएकाले यहाँ तिर्थालुहरु आवतजावत हुने सम्भावित प्रवेश मुख्य नाकाहरुमा सुरक्षा व्यवस्थालाई कडाइ गरिएको बताए । पालिका स्थित स्वास्थ्य शाखाले पिसिआर गर्न आवश्यक नागरिकहरुको स्वाव संकलन गर्ने र पिसिआर परिक्षणको नतिजा लिने गरेको वडाध्यक्ष गुरुङले बताए । गाउँपालिकामा हाल १३ जना कोरोना संक्रमित रहेका छन् ।

शुक्रबार प्राप्त रिर्पाेटमा ५ महिला ७ पुरुष गरि १२ जना संक्रमित थपिएका थिए । केही दिन अघि ४७ जनाको स्वाव संकलन गरी परिक्षणका लागि पोखरा पर्ठाईएको थियो । परिक्षणमा यस अघि संक्रमित भएका १ जनाको पनि रिर्पाेट पुनः पोजेटिभ आएको गाउँपालिकाका स्वास्थ्य शाखा प्रमुख प्रदीप बुढाथोकीले बताए ।

संक्रमित मध्ये वडा नम्बर ५ का १० जना, वडा नम्बर १ र २ का एक/एक जना रहेका छन् । संक्रमित सबै होम आइसोलेसनमा रहेको र स्वास्थ्य अवस्था सामान्य रहेको स्वास्थ्य शाखा प्रमुख बुढाथोकीले बताए ।

Adertisement

सेयर गर्नुहोस्



प्रतिक्रिया दिनुहोस्



सम्बन्धित खवर

सम्बन्धित खवर

Leave a Reply

Your email address will not be published.

Back to top button
You cannot copy content of this page.
Close

Ad Blocker Detect

Please consider supporting us by disabling your ad blocker