भानु कप फुटबल प्रतियोगिता सुरु, मुख्यमन्त्री पाण्डेद्वारा उद्घाटन
भञ्ज्याङ न्यूज
तनहुँको भानु नगरपालिका-१ भन्सारमा राष्ट्रियस्तरको ‘नाइन ए साइड’ भानु कप फुटबल प्रतियोगिता शुक्रबारबाट सुरु भएको छ । २१०औं भानुजयन्तीका अवसरमा आयोजित उक्त प्रतियोगिताको गण्डकी प्रदेशका मुख्यमन्त्री सुरेन्द्रराज पाण्डेले उद्घाटन गरेका छन् ।
भन्सार युवा परिवार, भीमसेन युवा क्लब र सालबिस्ने युवा क्लबले संयुक्त संयुक्त रुपमा आयोजित प्रतियोगिताको उद्घाटन समारोहमा मुख्यमन्त्री पाण्डेले खेल क्षेत्रको विकासका लागि प्रदेश सरकार प्रतिबद्ध रहेको बताउँदै खेलका कारण नेपाल विश्वमाझ चिनिन सफल भएको उल्लेख गरे ।
उनले नेपाली भाषाका आदिकवि भानुभक्त आचार्यको जन्मस्थललाई साहित्यिक धामका रुपमा विकास गरिने चर्चा गर्दै भानुजयन्तीका अवसरमा आयोजना गरिने यस प्रकारका खेलकुद गतिविधिले भनुको योग्दानलाई संरक्षण र प्रवर्द्धन गर्न थप मद्दत पुग्ने विश्वास व्यक्त गरे ।
साउन ६ गतेसम्म सञ्चालन हुने प्रतियोगिता जिल्लाकै र्सवाधिक राशि पुरस्कार हो । प्रतियोगितामा प्रथम हुनेलाई रु दुइ लाख २५ हजार २१० नगद पुरस्कार प्रदान गरिने भीमसेन युवा क्लवका सदस्य सन्दीप श्रेष्ठले बताए ।
त्यस्तै द्वितीय हुनेलाई रु एक लाख १२ हजार २१० र तृतीय हुनेलाई रु २० हजार २१० नगद पुरस्कार प्रदान गरिने आयोजकले जनाएको छ ।
प्रतियोगितामा उत्कृष्ट खेलाडी, गोलरक्षक र र्सवाधिक गोलकर्तालाई जनही रु पाँच हजार २१० नगद पुरस्कार प्रदान गरिनेछ । प्रतियोगितामा ३२ टोलीको सहभागिता रहेको छ । प्रतियोगितामा तनहुँका अतिरिक्त कास्की, गोरखा, चितवन लगायतका जिल्लाबाट गरी ३२ टिमको सहभागिता रहेको छ ।
यस्तै, भानुजयन्तीकै अवसरमा आयोजित छेलो प्रतियोगितामा प्रथम हुनेलाई रु पाँच हजार २१० र बाघचालतर्फप्रथम हुनेलाई रु पाँच हजार २१० नगद र प्रमाणपत्रद्वारा पुरस्कृत गरिने भएको छ ।
