तनहुँको दमौलीमा दश दिने भुजेल मातृभाषा साक्षरता कार्यक्रम सुरु

तनहुँको दमौलीमा दश दिने भुजेल मातृभाषा साक्षरता कार्यक्रम सुरु गरिएको छ । असार २९ गतेसम्म सञ्चालन हुने साक्षरता कार्यक्रमको शुभारम्भ गर्दै नेपाल आदिवासी जनजाती महासंघ जिल्ला कार्यसमिति तनहुँकी अध्यक्ष बसुन्धरा घर्तीले मातृ भाषा संरक्षण अहिलेको प्रमुख चुनौती बनेको चर्चा गरिन ।

भाषा, कला, संस्कृती हरेक समुदायको पहिचान भएको बताउँदै अध्यक्ष घर्तीले आफ्नो पहिचानको संरक्षण र प्रवर्द्धनमा हामी आफै जागरुक बन्न आग्रह गरिन ।

भुजेल समाज सेवा समिति तनहुँका अध्यक्ष तिर्थ बहादुर घर्तीको अध्यक्षतामा आयोजित कार्यक्रममा दुरा समाजका अध्यक्ष सुशीला दुरा, कुमाल समाजका अध्यक्ष आलोक कुमाल, रेशम भुजेल, गोपाल घर्ती, मुक्त बहादुर भुजेल लगायतले आ-आफ्ना विचार व्यक्त गरेका समाजका सचिव पृथ्वी भुजेलले जानकारी गराए ।

सेयर गर्नुहोस्

प्रतिक्रिया दिनुहोस्

सम्बन्धित खवर