म्याग्दे गाउँपालिकामा करेन्ट लागेर एक युवकको मृत्यु
तनहुँको म्याग्दे गाउँपालिका–६ स्थित अकलामा आइतबार बेलुका करेन्ट लागेर एक युवकको मृत्यु भएको छ । मृत्यु हुनेमा स्थानीय २१ वर्षीय बिमल थापा रहेको प्रहरी नायव उपरीक्षक मोहनबहादुर खाँणले बताए ।
उनका अनुसार थापा घरबाट एक किलोमिटर उत्तरतर्फ रहेको भब्बियोको रुखमा चढि घाँस काट्ने क्रममा अचानक करेन्ट लागि रुखबाट भुईमा लडिरहेको अवस्थामा भेटिएका थिए । करेन्ट लागि घाइते अवस्थामा फेला परेका थापालाई उपचारको लागि जिपि कोइराला श्वासप्रश्वास उपचार केन्द्र बेलचौतारा लगिएकोमा उपचारको क्रममा मृत्यु भएको प्रहरीले जनाएको छ ।
घटनामाथी थप अनुसन्धान भइरहेको जिल्ला प्रहरी कार्यालयले बताएको छ ।
