सत्यवती माविमा तीन लाखको अक्षयकोष स्थापना

तनहुँको दमौली स्थित सत्यवती माध्यमिक विद्यालयमा तीन लाख रुपैयाँ बराबरको अक्षयकोष स्थापना गरिएको छ । व्यास-२ को सुनचाँदी लाइन निवासी स्व. मोतीकुमार जोशीको स्मृतिमा उनका परिवारले उक्त रकमको अक्षयकोष स्थापना गरेका हुन् ।

स्व. जोशीका परिवारहरु सन्तुमाया जोशी, सूर्यकुमार जोशी, शिवकुमार जोशी, कृष्णकुमार जोशी, बेलु श्रेष्ठ, नविना श्रेष्ठ र रविना श्रेष्ठले दमौली स्थित सत्यवती माध्यामिक विद्यालयमा अक्षयकोषको लागि रकम प्रदान गरेका थिए ।

स्व. जोशीकी धर्मपत्नी सन्तुमाया जोशीले विद्यालयको प्रधानाध्यापक पुष्पकला भट्टर्राई, शिक्षक अभिभावक संघको अध्यक्ष सोमराज सिग्देललाई सोमबार विद्यालयमा तीन लाख एक हजार एक रुपियाँको चेक हस्तान्तरण गरेकी छन् ।

दलित, जनजाती, पिछडिएका समुह, गरिब तथा जेहेन्दार विद्यार्थीहरुलाई छात्रवृत्ति प्रदान गर्न रकम प्रदान गरिएको सन्तुमायाले बताइन्। मोतीकुमार जोशी स्मृति कोषबाट प्राप्तहुने व्याज रकमबाट छात्रवृत्ति प्रदान गरिने छ ।