आदर्श आमा समुहमा नयाँ कार्यसमिति
तनहुँको व्यास नगरपालिका-१ नव आदर्श आमा समुहको २१औं साधारणसभा तथा १२औं अधिवेशनले नयाँ कार्यसमिति चयन गरेको छ । अधिवेशनले सीता अधिकारिको अध्यक्षतामा ११ सदस्यीय कार्यसमिति सर्वसम्मत चयन गरेको हो ।
आमा समुहको उपाध्यक्ष पार्वती हड्खले, सचिव कल्पना हड्खले, कोषाध्यक्ष सुष्मा सिलवाल चयन भएका छन् भने, सदस्यहरुमा संगीता बिक, कमला जिसि, अन्जना गुरुङ, कल्पना अछामी, शर्मिला हमाल र सावित्रा लौडारी चयन भएको संस्थाका कानूनी सल्लाहकार एवं निर्वाचन संयोजक अधिवक्ता डम्बरदेव हड्खलेले जानकारी गराए ।
आमा समुहकी अध्यक्ष सावित्रा हड्खलेको अध्यक्षतामा आयोजित साधारण सभाको उद्घाटन सत्रमा वडा अध्यक्ष रमेश चन्द्र हड्खलेले शुभकामना व्यक्त गर्दै आमा समुहले सामाजिक क्षेत्रमा उदहारणीय काम गरेको चर्चा गरेका थिए ।
