तनहुँको घाँसीकुवामा पहिरो, राजमार्ग अवरुद्ध
पृथ्वीराजमार्ग अन्तरगत तनहुँको घाँसीकुवा सडकखण्ड अवरुद्ध भएको छ । व्यास नगरपालिका–१२ स्थित घाँसीकुवामा बुधबार दिउँसो करिव ५ बजे सडकमाथिबाट पहिरो खस्दा उक्त खण्ड पुर्ण रुपमा अवरुद्ध भएको जिल्ला प्रहरीले जनाएको छ ।
पहिरो हटाउनका लागि तयारी भैरहेको जिल्ला प्रहरी नायव उपरीक्षक दीपककुमार रायले बताए । उनले भने, ‘पहिरो हटाउनका लागि मेशिनहरु मगाएका छौं । पहिरो हटाउन समय लाग्ने देखिएको छ ।’
