तनहुँका पत्रकार नहर्कीलाई मोफसल पत्रकार सम्मान
दमौली : तनहुँका पत्रकार अमरराज नहर्की ‘मोफसल पत्रकार’ पुरस्कारबाट भक्तपुरमा सम्मानित भएका छन् । भक्तपुर जिल्लाको मध्यपुर थिमि नगरपालिका–४ दुईपोखरी, मध्यपुर थिमि नगरीमा सम्पन्न पाँचौ एपिक नेपाल म्युजिक अवार्डको अवसरमा उनलाई सम्मान गरिएको हो ।
प्रथम महिला राधिका शाक्यले गोरखापत्र दैनिकमा तनहुँबाट कार्यरत पत्रकार नहर्कीलाई सम्मानपत्र प्रदान गरेकी थिन । मोफसलमा रहेर पत्रकारिता सेवामा निस्वार्थ कर्म गर्दै पत्रकारिता मार्फत आम नेपाली जनता र देश प्रतिको हितमा अबिरल लाग्दै विचलित नभई नेपाली पत्रकारिता, स्वदेशी चलचित्र, भाषा, साहित्य र बिबिध विषयमा समसामयिक राष्ट्रिय गतिविधीहरुमा संलग्न भई योगदान पु¥याएकोले सम्मान गरिएको सम्मानपत्रमा उल्लेख छ ।
यस्तै पत्रकारिताको माध्यमबाट नेपाली गीत संगीत र चलचित्रको विकास श्रीवृद्धि गर्न अविछिन्न रुपमा पु¥याउनु भएको अमूल्य योगदानको उच्च सम्मान गर्दै पाँचौ एपिक नेपाल म्युजिक अवार्ड–२०८१ को अवसरमा मोफसल पत्रकार सम्मानबाट सम्मान गरिएको बताइएको छ ।
