तनहुँमा एसइइ परीक्षको तयारी पुरा, ६ हजार बढी परीक्षार्थी सहभागी हुँदै
भोलिबाट सुरु हुने माध्यमिक शिक्षा परीक्षा (एसइइ) को सम्पुर्ण तयारी पूरा भएको छ । परीक्षामा तनहुँबाट ६ हजार ३०२ परीक्षार्थी सहभागी हुने शिक्षा विकास तथा समन्वय इकाइले जनाएको छ ।
साधारणतर्फ ४ हजार ८४४, प्राविधिक धारतर्फ १३३ र ग्रेडवृद्धितर्फ एक हजार ३२५ परीक्षार्थी सहभागी हुने इकाइ प्रमुख उद्धवराज कट्टेलले बताए । उनले भने, ‘एसइइ परीक्षाका लागि जिल्लामा २६ परीक्षा केन्द्र कायम गरिएको छ ।’
परीक्षामा ११९ वटा सामुदायिक, ४९ संस्थगत र ४ गुरुकुल गरी १७२ विद्यालय परीक्षमा सहभागि हुँदैछन् । उनले भने, ‘जिल्ला कारागार दमौलीबाट पनि २ जना परीक्षामा सहभागी हुदैछन् । एसइइ परीक्षा शान्तिपुर्ण र व्यवस्थित रुपमा सम्पन्न गर्नका लागि आवश्यक तयारी गरिएको छ ।’
