अवैध काठसहित ट्याक्टर नियन्त्रणमा
- भञ्ज्याङ समाचारदाता (दमौली)
जिल्ला प्रहरी कार्यालय तनहुँले अवैध सालको काठसहित एक ट्याक्टरलाई नियन्त्रणमा लिएको छ । व्यास-७ सत्रसय स्थित सार्वजनिक जनकल्याण सामुदायिक वनबाट अवैध रुपमा ओसारपसार गर्न लागिएको सवा ११ क्युफिटको सालको काठ सहित ट्याक्टरलाई नियन्त्रणमा लिइएको प्रहरीले जनाएको छ ।
काठ ओसारपसारमा संलग्न ग१त ६०७० नं. को ट्याक्टरसमेत नियन्त्रणमा लिएर अनुसन्धान एवं कारवाहीका लागि डिभिजन वन कार्यालय दमौली तनहुँको जिम्मा लगाइएको प्रहरी नायव उपरीक्षक युवाराज तिमिल्सिनाले जानकारी गराए ।
