स्कुटर दुर्घटनामा छोराको मृत्यु, बुवा घाइते
दमौली : पृथ्वीराजमार्ग अन्तर्गत तनहुँको व्यास नगरपालिका–१२ कमलबारीमा भएको स्कुटर दुर्घटना एकजनाको मृत्युु भएको छ भने एक जना घाइते भएका छन् ।
दमौलीबाट डुम्रे तर्फ जाँदै गरेको ग२५प ४१३ नम्बरको स्कुटर अनियन्त्रित भई सडकमा पल्टिदा स्कुटर चालक आसिकबाबु नरालको मृत्युु भएको तनहुँ प्रहरीले जनाएको छ ।
चालक गोरखा नगरपालिका–१३ अगुवा देउराली बस्ने बर्ष २२ का नरालको निधारमा काटेको, पेटमा दधारेको, बायाँ घुडामा काटेको अवस्थामा प्रदेश अस्पताल पुर्याइएकोमा डाक्टरले मृत घोषणा गरेका थिए ।
यस्तै, उक्त दुर्घटनामा स्कुटर पछाडी सवार ४७ वर्षीय कृष्ण प्रसाद नराल सामान्य घाइते रहेको बताइएको छ । घाइते र मृतक बाबुछोरा रहेको बताइएको छ ।
