मृगौला रोगका बिरामी राज कुमारद्वारा उपचारका लागि आर्थिक सहयोगको अपिल
तनहुँ : तनहुँको भानु नगरपालिका–५ निवासी ४२ वर्षीय राज कुमार परियार जटिल मृगौला रोगसँग संघर्ष गरिरहेका छन् । विगत केही महिनायता दुबै मृगौला खराब भई जीवन–मरणको दोसाँधमा रहेका परियार अहिले काठमाडौंस्थित नेशनल किड्नी सेन्टरमा नियमित डायलायसिस गराइरहेका छन् ।
परियारको जीवनरक्षा गर्नका लागि शीघ्र मृगौला प्रत्यारोपण आवश्यक रहेको चिकित्सकले जनाएका छन् । डायलायसिसमा मात्र निर्भर रहँदा दीर्घकालीन असर पर्न सक्ने भएकाले तुरुन्तै प्रत्यारोपण गरिनु पर्ने अवस्था रहेको चिकित्सकले जनाएका छन् ।
स्वास्थ्य उपचारमा संलग्न चिकित्सक डा. सञ्जीव आचार्यका अनुसार प्रत्यारोपणका लागि आवश्यक प्राथमिक तयारीहरू पुरा भइसकेका छन्, तर आर्थिक अभावका कारण उपचार प्रक्रिया अघि बढ्न सकेको छैन ।
उनको हप्तामा २ देखि ३ पटकसम्म डायलायसिस गर्ने गरिएको छ भने औषधी, नियमित हेमोग्लोबिन बढाउने इपिओ इन्जेक्सन, रेखदेख तथा अन्य आवश्यक खर्चहरू जोहो गर्न निकै समस्या परेका कारण विरामी परियार र उनका परिवारले सबैसंग आर्थिक सहयोगको अपिल गरेका छन् ।
परिवारको आर्थिक अवस्था अत्यन्तै कमजोर भएकाले उपचार खर्च जुटाउन असमर्थ हुँदा विरामी राजकुमारले इच्छुक सहयोगदाताहरुलाई उपचारमा सक्दो आर्थिक सहयोग गरिदिन अनुरोध गरेका छन् ।
इच्छुक सहयोगदातालाई राज कुमार परियारको नाममा माछापुर्च्छे बैंक लिमिटेडमा रहेको खाता नं. ००२०९४२५२०७००००१४ र यसै खाता नम्बरको बैंक क्यूआर स्क्यान गरी रकम जम्मा गरी सहयोग गर्न सकिने छ ।
