तनहुँ अदालत र बारलाई कम्प्युटर सहयोग
दमौली : गत भदौ २४ गते जेनजी पुस्ताको प्रदर्शनका क्रममा तोडफोड र आगजानीका कारण तनहुँ जिल्ला अदालतको काममा असर परेपछि कम्प्युटर सहयोग गरिएको छ ।
वरिष्ठ अधिवक्ता कमलामोहन वाग्लेले मंगलबार तनहुँ जिल्ला अदालत र तनहुँ बार इकाइलाई कम्प्युटर सहयोग गरेका हुन् । वाग्लेले तनहुँ अदालत र बारलाई एकरएक थान कम्प्युटर सहयोग गरेका छन् ।
अदालतको कामलाई सहज बनाउन सघाउने उद्देश्य सहित कम्प्युटर सहयोग गरेको वाग्लेले बताए ।
तोडफोड र आगजनीका कारण अदालतमा दैनिक सेवा प्रवाहमा प्रयोग गरिने सामाग्रि तथा महत्वपूर्ण कागजपत्रहरु जलेर नष्ट भएका छन् ।
