तल्लो गुणादीमा स्कुटर दुर्घटना : आमाको मृत्यु, छोरा गम्भिर घाइते
भञ्ज्याङ न्यूज
पृथ्वीराजमार्ग अर्न्तर्गत तनहुँको म्याग्दे गाउँपालिका-१ तल्लो गुणादीमा सडक दुर्घटनामा परी एक जनाको मृत्यु भएको छ भने एक जना गम्भिर घाइते भएका छन् ।
पोखराबाट दमौली तर्फआउँदै गरेको ग२०प ६३३६ नम्बरको स्कुटरलाई सोही दिशाबाट आउँदै गरेको ना४ख ८४४५ नम्बरको बसले ठक्कर दिंदा गम्भिर घाइते भएकी भिमाद-२ की ४० वर्षीया पवित्रा थापाको उपचारका क्रममा दमौली अस्पतालमा मृत्यु भएको तनहुँ प्रहरीले जनाएको छ ।
उक्त दुर्घटनामा परी २० वर्षीय सुसिर थापा गम्भिर घाइते भएका र उनको पोखरामा उपचार भइरहेको छ । दुर्घटनामा परी मृत्यु हुने र घाइते सुसिर आमा छोरा भएको प्रहरी नायब उपरीक्षक युवराज खड्काले बताए ।
