१० दिने झोला सिलाइ तालिम सम्पन्न
भञ्ज्याङ समाचारदाता/दमौली

डाँफे बचत तथा ऋण सहकारी संस्था दमौलीले १० दिने बाताबरण मैत्री झोला सिलाइ तालिम सम्पन्न गरेको छ । व्यास नगरपालिकाको सहयोगमा सञ्चालन भएको निःशुल्क तालिममा ३५ जना महिलाको सहभागीता रहेको सहकारीका निबर्तमान अध्यक्ष प्रेमबहादुर रावतले बताए ।
तालिम समापन गर्दै जिल्ला समन्वय समिति तनहुँका सदस्य अर्जुन बहादुर अधिकारीले सहभागीले तालिममा सिकेका ज्ञान सिपलाई व्यवसायमा परिवर्तन गर्नसक्नु पर्ने बताए ।
सहकारीका अध्यक्ष सुरेन्द्र अधिकारीको अध्यक्षतामा आयोजित समापन कार्यक्रममा मन्जु थापा, हरि कार्की, कमला विष्ट, सृजना केसी, संकर अधिकारी लगायतले तालिमको महत्वका विषयमा चर्चा गरेका थिए ।










