तनहुँमा धारिलो हतियार प्रहार गरि एक जनाको हत्या
भञ्ज्याङ न्यूज
तनहुँको भानु नगरपालिका-६ टुहुरेपसलमा सोमबार करिव ११:३० बजेको समयमा एक युवकले धारिलो हतियार प्रहार गरी स्थानीय एक जनाको हत्या गरेका छन् ।
जिल्ला प्रहरी कार्यालय तनहुँको अनुसार युवकको आक्रमणबाट स्थानीय ४९ वर्षीय सन्तबहादुर गुरुङको ज्यान गएको छ । धारिलो हतियार प्रहारबाट सन्तबहादुरको मृत्यु भएको प्रहरी नायव उपरीक्षक युवराज खड्काले बताए ।
घटनामा संलग्न व्यास नगरपालिका-८ कोइलेनीका आशिष परियारलाई प्रहरीले नियन्त्रणमा लिएको छ । उक्त घटनामाथी थप अनुसन्धन भईरहेको प्रहरीले जनाएको छ ।
भानु-६ का वडाध्यक्ष धिरेश खनालका अनुसार आशिष मानसिक रुपमा बिमार भएकाले झारफुक गर्न टुहुरेपसल ल्याइएको थियो । उनले भने, ‘आशिष झारफुक गर्ने ठाउँबाट भागेर करिव २ सय मिटर टाढा रहेको सन्तबहादुरको घरभित्र छिरेका थिए । घरभित्र रहेको खुकुरी लिएर बाहिरा निस्किएपछि तत्काल खुकुरी फिर्ता लिन जाँद सन्तबहादुरलाई नै प्रहार गरी हत्या गरिदिए ।’
तस्विर सामाजिक सञ्जालबाट
