एमाले गण्डकी अधिवेशन : म्याग्दे र भिमादबाट प्रतिनिधि छानिए

नेकपा एमाले गण्डकी प्रदेश कमिटीको असोज १५ र १६ गते पोखरामा हुने प्रदेश अधिवेशनका लागि तनहुँको म्याग्दे गाउँपालिका र भिमाद नगरपालिकाबाट प्रतिनिधि छनोट गरिएको छ ।

म्याग्दे गाउँ कमिटीको शनिबार सम्पन्न बैठकले ६ जना प्रतिनिधि छनोट गरेको छ । छनोट हुनेमा श्रीप्रसाद श्रेष्ठ, रत्नादेवी घिमिरे, हरिबहादुर थापा, सीता घिमिरे, सुनिता नेपाली र बसन थापा रहेका छन् ।

यस्तै, भिमाद नगरबाट प्रदेश अधिवेशनका लागि १२ जना प्रतिनिधि सर्वसम्मत छनोट गरिएको छ । भिमाद नगर कमिटीबाट महिलातर्फ कृष्णकुमारी श्रेष्ठ, शारदा खनाल, पवित्रा थापा, दलित पुरुषबाट बाबुराम सुनार र दलित महिलाबाट कोपिला नेपाली, खुल्ला युवाबाट उज्वल खनाल चयन भएका छन् । खुल्लातर्फ केदार सिग्देल, धर्म खनाल, नारायण खनाल, मेखबहादुर थापा, ऋषिराम राना र इमान थापा चयन भएको बताइएको छ ।

सेयर गर्नुहोस्

प्रतिक्रिया दिनुहोस्

सम्बन्धित खवर