बस चोरेको आरोपमा तनहुँका १७ वर्षीय किशोर पक्राउ
यात्रु बहाक बस चोरेको आरोपमा तनहुँका १७ वर्षीय किशोर चितवनबाट पक्राउ परेका छन् । पोखरामा रोकिराखेको बस चोरेर चितवन लग्दैगर्दा ती किशोर पक्राउ परेका हुन् ।
शुक्रबार राति पोखरा महानगरको वडा-९ मा पार्किङमा राखिएको ग१ख ९६३८ नम्बरको बस चोरी गरेका किशोरलाई प्रहरीले पक्राउ गरेका जनाएको छ ।
शुक्रबार राति चितवनको भरतपुर नगरपालिका-११ आँपटारीबाट सो बससहित १७ वर्षीय किशोरलाई प्रहरीले नियन्त्रणमा लिएको छ ।
तनहुँको म्याग्दे गाउँपालिका-३ घर भएका १७ वर्षीय किशोरलाई आँपटारीमा चेकजाँचका क्रममा प्रहरीले नियन्त्रण लिएको कास्कीका प्रहरी प्रवक्ता श्रवणकुमार विकले जानकारी दिए ।
किशोरलाई नियन्त्रणमा लिई जिल्ला अदालत कास्कीबाट चोरी तथा डाँकासम्बन्धी मुद्दामा अनुसन्धान अघि बढाइएको प्रहरीले जनाएको छ ।
