दोस्रो पाटन महोत्सवमा अनुराग र सावित्राको प्रस्तुती
तनहुँको व्यास नगरपालिका-५ पाटनमा जारी दोस्रो पाटन खेलकुद, कृषि, व्यापारिक, सांस्कृतिक तथा पर्यटकीय महोत्सवमा दर्शकको आकर्षण बढ्दै गएको छ । महोत्सवको दोस्रो दिनसम्म उल्लेख्य दर्शकले महोत्सवको अवलोकन गरेको आयोजकले दाबी गरेको छ ।
महोत्सवका मूल संयोजक एवं पाटन युवा क्लबका अध्यक्ष अमर थापाले महोत्सवमा दर्शकको आकर्षण बढ्दै गएको बताए । रमाइलो मेला, स्टेचको कार्यक्रम, बोटे जातिको घरले दर्शकको ध्यान खिचेको उनले बताए।
महोत्सवका व्यवस्थापक अजित राइले चर्चित कलाकार संजीव सिह राना लगायतका कलाकारले शुक्रबारको कार्यक्रम प्रस्तुती दिने भएका छन् । स्थानीय र राष्ट्रिय कलाकारहरुको बेजोड प्रस्तुतिले दर्शकहरुलाई भरपुर मनोरञ्जन दिने राइले बताए ।
यस्तै, बिहिबार चर्चित कलाकार अनुराग थापा, आरसी गौली, सावित्रा हड्खले लगायतका कलाकारहरुले सांगितिक प्रस्तुती दिएका थिए । विज्ञान प्रदर्शनी, स्थानीय कृषि उपज र औजारको प्रदर्शनी, होटल, फेन्सीका आइटम, सूचना, घरेलु, शिक्षा र स्वास्थ्य सम्बन्धी स्टल दर्शकको रोजाइ परेको महोत्सवका प्रवक्ता दिनेश लामिछानेले बताए ।
महोत्सवमा विभिन्न क्षेत्रका १५० वटा स्टल राखिएको छ । महोत्सवमा ४० लाखको आर्थिक कारोबार हुने लक्ष्य राखिएको छ। व्यास नगरपालिका-५ को पाटन खेलमैदानमा आयोजित महोत्सव कार्तिक ४ गतेसम्म चल्नेछ।
