पञ्चमुनिदेव माविको प्रधानाध्यापकमा भण्डारी
दुलेगौंडा : तनहुँको शुक्लागण्डकी नगरपालिका–४ दुलेगौंडास्थित पञ्चमुनिदेव माध्यमिक विद्यालयको प्रधानाध्यापकमा एकनारायण भण्डारी नियुक्त भएका छन् ।
जिल्लाकै नमुना विद्यालयको रूपमा स्थापित यस विद्यालयका प्रधानाध्यापक ध्रुवकुमार मल्ल यही असोज २९ गते अनिवार्य अवकाश हुने भएपछि मल्लले प्रधानाध्यापक पदबाट राजिनामा दिएका थिए ।
प्रधानाध्यापक मल्लको राजिनामालाई विद्यालय व्यवस्थापन समितिले स्वीकृति गरेपछि रिक्त पदमा सहायक प्रधानाध्यापक भण्डारीलाई प्रधानाध्यापकको जिम्मेवारी दिएर बुधबार नियुक्त गरिएको हो ।
नवनियुक्त प्रधानाध्यापक भण्डारी र विद्यालय व्यवस्थापन समितिका अध्यक्ष सन्तोष श्रेष्ठलाई बुधबार ध्रुवकुमार मल्लले आफ्नो सम्पूर्ण जिम्मेवारी हस्तान्तरण गरेका थिए ।
मल्ल करिब ३५ बर्ष अनवरत रूपमा शिक्षक तथा प्रधानाध्यापक पदको सफलतापूर्वक जिम्मेवारी सम्हालेका थिए ।
