सिलिण्डर पडि्कएर आगलागी हुँदा एक बालिकाको घट्नास्थलमै मृत्यु
भञ्ज्याङ न्यूज
सिलिण्डर पडि्कएर आगलागी हुँदा एक बालिकाको मृत्यु भएको छ । तनहुँको भिमाद नगरपालिका-९ च्यानडाँडामा शुक्रबार राती ७ बजेको समयमा ग्यास सिलिण्डर पड्की घरमा आगलागी हुँदा ११ वर्षीया सुवेक्षा केसीको मृत्यु भएको जिल्ला प्रहरी कार्यालय तनहुँले जनाएको छ ।
भिमाद-९ का शिवनारायण केसीको टिनले छाएको दुइ तले घरमा ग्यास सिलिण्डर पडि्कएर आगलागी हुँदा निजकी छोरीको घटनास्थलमै मृत्यु भएको प्रहरी नायव उपरीक्षक युवराज खड्काले जानकारी गराए ।
आगलागीबाट घरमा क्षति पुगेको छ । घरको तल्लो तल्लामा किराना पसल समेत सञ्चालन गरिएकामा पसलका सामग्रीमा क्षति पुगेको प्रहरीले जनाएको छ । स्थानीयवासीको सहयोगमा आगलागी नियन्त्रणमा लिइएको थियो ।
