तनहुँको व्यास-५ मा जग्गा वर्गिकरण सम्वन्धी अन्तरक्रिया

तनहुँको व्यास नगरपालिका-५ मा कृषि तथा आवासीय जग्गा वर्गिकरण सम्वन्धी अन्तरक्रिया गरिएको छ । व्यास नगरपालिकाको घर, नक्सा शाखाले स्थानीय जनप्रतिनिधी, कर्मचारी र टोल अध्यक्षको सहभागितामा कृषि र आवासीय जग्गा वर्गिकरण सम्वन्धी अन्तरक्रिया कार्यक्रम गरिएको थियो ।

वडाध्यक्ष विष्णु कुमार श्रेष्ठ ‘हिमाल’को अध्यक्षतामा आयोजित कार्यक्रममा व्यास नगरपालिकाका इन्जिनियर अमृत केसीले सरकारले कार्यक्रमको महत्व र आवश्यकताको वारेमा प्रकाश पारेका थिए ।

स्थानीय भु-उपयोग कार्यन्वयन समिति, भु-उपयोग ऐन २०७६ र नियमावली २०७९ मा भएको व्यवस्था अनुसार भुमि व्यवस्था तथा गरिवी निवारण मन्त्रालय र मालपोत कार्यलय तनहुँको सार्वजनिक सुचना अनुसार कार्यक्रम अगाडी बढाइएको हो । अन्तरक्रिया कार्यक्रममा सहभागीहरुले जग्गाको वर्गिकरणको आवश्यता र यसको महत्वका विषयमा जिज्ञासा रोखेका थिए ।

कार्यक्रमका अध्यक्ष विष्णु कुमार श्रेष्ठ ‘हिमाल’ले घरर नक्साको वर्गिकरण अपरिहार्यता भएको हुँदा समयमा नै दर्ता अभियानमा सरिक भई लाभ लिनुहुन अनुरोध गरे । जग्गाको वर्गिकरण नहुँदा यसले आम जनजीविकामा प्रत्यक्ष असर गरेको बताउँदै उनले यस कार्याले पूर्णता पाएसँगै आम जनताले लाभ लिने विश्वास व्यक्त गरे ।

सेयर गर्नुहोस्

प्रतिक्रिया दिनुहोस्

सम्बन्धित खवर