जबरजस्ती करणी मुद्दाका फरार प्रतिवादी २० वर्षपछि पक्राउ
भञ्ज्याङ समाचारदाता/दमौली
जबरजस्ती करणी मुद्दामा तनहुँ अदालतबाट कैद सजाय तोकिएका एक प्रतिवादी २० वर्षछि पक्राउ परेका छन् । पक्राउ पर्नेमा व्यास नगरपालिका-२ उत्तरशीला टोल बस्ने ४८ वर्षीय विनोद शाक्य रहेको जिल्ला प्रहरी कार्यालय तनहुँले जनाएको छ ।
निजलाई बुधबार सम्बन्धित घरवतनबाटै पक्राउ गरिएको प्रहरी नायब उपरिक्षक मोहनबहादुर खाँणले जानकारी दिए । निज विरुद्ध तनहुँ अदाललते विसं २०६० असोज २८ गते पाँच वर्षकैद सजाय तोकेको थियो । निजलाई बुधबार अदालत पेश गरिएकामा अदालतको आदेश बमोजिम कैद भुक्तानका लागि कारागार चलान गरिएको प्रहरीले जनाएको छ ।
