मदन-आश्रति स्मृति दिवस : दमौलीमा मैत्रीपूर्ण बास्केटबल

मदन-आश्रति स्मृति दिवसको अवसरमा दमौलीमा बुधबार मैत्रीपूर्ण बास्केटबल प्रतियोगिता आयोजना गरिएको छ । मदन भण्डारी स्पोर्टस् एकेडेमीको आयोजनामा व्यास-३ स्थित कोर्टमा बास्केटबल प्रतियोगिता आयोजना गरिएको हो ।

हैरान्स ए र हैरान्स बी बीच आयोजित खेलमा हैरान्स ए विजेता भएको छ । खेलाडीहरुलाई नेकपा एमाले तनहुँका उपाध्यक्ष हरिराज कंडेल, सचिव राजेश्वर ढकाल, एकेडेमीका अध्यक्ष कविराज श्रेष्ठले प्रमाणपत्र वितरण गरेका थिए ।

पछिल्लो समय जिल्लामा बास्केटबलमा खेलाडीको आकर्षण बढेकाले स्मृति दिवसको अवसरमा मैत्रीपूर्ण खेल खेलाइएको एकेडेमीका अध्यक्ष श्रेष्ठले जानकारी दिए । खेलमा कृष्णकुमार श्रेष्ठ (जेके)ले प्रशिक्षकको भूमिका निर्वाह गरेका थिए ।

नेकपा एमालेका तत्कालीन महासचिव मदन भण्डारी तथा संगठन विभाग प्रमुख जीवराज आश्रतिको रहस्यमय निधन भएको दिनको सम्झनामा आज मदन आश्रति स्मृति दिवस मनाइँदैछ । २०५० जेठ ३ गते चितवनको दासढुंगामा रहस्यमय जिप दुर्घटना परी दुवै नेताको निधन भएको थियो ।

सेयर गर्नुहोस्

प्रतिक्रिया दिनुहोस्

सम्बन्धित खवर