२९औं अन्तर्राष्ट्रिय आदिवासी जनजाति दिवस मनाइँदै (फोटोफिचर)
भञ्ज्याङ न्यूज
२९औं अन्तर्राष्ट्रिय आदिवासी जनजाति दिवस आज विभिन्न कार्यक्रम गरी मनाइँदै छ । तनहुँका १० वटै पालिकामा बसोवास गर्ने आदिवासी जनजातिहरुले विविध कार्यक्रम गरी यो दिवस मनइरहेका छन् ।
‘इन्डिजिनियस युथ एज अगेन्सट् अफ चेन्ज फर सेल्फ डिटरमिनेसन’ नाराका साथ यस वर्षदेशभरि विभिन्न कार्यक्रम गरी यो दिवस मनाइरहेका छन् ।
नाराको अर्थ आफूले निर्धारण गरेअनुरुपको परविर्तनको संवाहक आदिवासी युवाहरू भन्ने हुन्छ ।
आदिवासी युवाको सक्रियता र सशक्तीकरणमा यस वर्षविशेष जोड दिइएको नेपाल आदिवासी जनजाति महासंघले जनाएको छ ।
दिवसका अवसरमा नेपाल आदिवासी जनजाति महासंघ जिल्ला समन्वय परिषद् तनहुँ र जिल्लाका १० वटै पालिकामा रहेका इकाईहरुले ‘पहिचान र अधिकारको सुनिश्चितताको लागि आदिवासी जनजाति आन्दोलनमा सहभागी, बनौं, परम्परागत ज्ञान, सीपको प्रवर्द्धन गर्दै पुख्र्यौली भूमि, भाषा र संस्कृतिको संरक्षण गरौ’ भन्ने नाराका कार्यक्रम गरिएको अध्यक्ष सुजित हिराचनले बताए ।
दिवसका अवसरमा आज बुधबार व्यास नगरपालिकाको दमौली, शुक्लागण्डकी नगरपालिकाको दुलेगौंडा, भानु नगरपालिकाको भानु र आबुँखैरेनीमा विविध कार्यक्रम गरिएको छ ।
सन् १९९४ डिसेम्बर २३ को संयुक्त राष्ट्रसंघको साधारणसभाले अगस्त ९ तारिखलाई अन्तर्राष्ट्रिय आदिवासी दिवसका रूपमा मनाउने अवधारणा अगाडि बढाएको हो ।
संयुक्त राष्ट्रसंघले यसअघि नै सन् १९९४ देखि सन् २००४ सम्म आदिवासी दशकका रुपमा र्’कर्म र मर्यादाका लागि दशक’ नाराका साथ आहृवान गरेको थियो ।
उक्त दिवसका लागि संयुक्त राष्ट्रसंघको लोगोलाई बंगलादेशका कलाकार रिबन देवानले तयार पारेका हुन् । सो लोगोमा हरियो पातका दुइ कानजस्तो आकृतिले पृथ्वीलाई दुइपट्टबिाट घेरेको देखिन्छ ।
तस्विर : नारायण खड्का/भञ्ज्याङ
