जेनजी प्रदर्शन : तनहुँमा एमाले, कांग्रेस पार्टी कार्यालय र व्यास नगरपालिकामा तोडफोड, गाडी र मोटरसाइकलमा आगलागी
जेनजी आन्दोलनका युवाहरुले तनहुँको दमौलीस्थित नेपाली कांग्रेस र नेकपा एमाले तनहुँ कार्यालयमा ढुंगा प्रहार प्रहार गरेका छन् ।
काठमाडौमा १९ जना युवालाई सरकारले दमन गरेर हत्या गरेको भन्दै दमौलीमा युवाहरुले पार्टी कार्यालय तोडफोड गरेका हुन् ।
दमौलीमा मंगलबार बिहानैदेखि युवाहरु आन्दोलनमा उत्रिएका छन् जिल्ला प्रशासन कार्यालयले दमौली बजार क्षेत्रमा निषेधाज्ञ जारी गरेपनि युवाहरु सफासडकमा नारावाजी गर्दै हिडेका छन् ।
यस्तै, जेनजी आन्दोलनका युवाहरुले व्यास नगरपालिकामा तोडफोड गरेका छन् । मंगलबार बिहानैदेखि आन्दोलनमा उत्रिएका युवाहरुले नगरपालिकामा तोडफोड गरेका छन भने त्यहाँ रहेका गाडी र मोटरसाइकलमा आगजनी गरेका छन् ।
