तीन जनालाई पूर्ण स्मृति सम्मान तथा पुरस्कार प्रदान
भञ्ज्याङन्यूज
तनहुँ मिडिया नेटवर्क प्रालिद्वारा सञ्चालित शुक्लागण्डकी एफ.एम. ९७.६ मेगाहर्जले तीन जनालाई पूर्ण स्मृति सम्मान तथा पुरस्कार प्रदान गरेको छ । संस्थाका अध्यक्ष पूर्ण कुमार श्रेष्ठको स्मृतिमा स्थापित उक्त सम्मान तथा पुरस्कार सोमबार दुलेगौंडामा आयोजित एक कार्यक्रमका बीच समाजसेवा तर्फनन्दराज थापा, साहित्यतर्फसागर उदास र पत्रकारिता तर्फविकास खनाललाई प्रदान गरिएको हो ।
प्रदेश सभा सदस्य श्यामराजा महत, रेडियोका अध्यक्ष ऋषेश्वर भुवाई ‘ऋतु’, वडा नं. ६ र १० का अध्यक्षहरु बुद्धि बहादुर थापा, राजेन्द्र भट्टर्राई क्षेत्री, स्व. पूर्ण श्रेष्ठकी धर्मपत्नी सुकु श्रेष्ठले उनीहरुलाई नगद, सम्मानपत्र र दोसल्ला ओढाएर सम्मान गरेका थिए ।
रेडियोको आठौं वार्षिक साधारणसभाको अवसर उक्त पुरस्कार वितरण गर्दै प्रदेश सभा सदस्य महतले रेडियोले स्थापना गरेको सम्मानले अन्य व्यक्तिहरुलाई समाजप्रति थप उत्तरदायि बनाउन सहयोग पुग्ने विश्वास व्यक्त गरे ।
रेडियोका अध्यक्ष भुवाईको अध्यक्षतामा भएको कार्यक्रममा छनौट समितिका संयोजक नारायण श्रेष्ठ, सदस्य आनन्दसुन्दर श्रेष्ठ, रेडियोका पूर्व सदस्य सुजित हिराचनले सम्मानित व्यक्तिहरुको जिवानीका विषयमा प्रकाश पारेका थिए ।
कार्यक्रममा संस्थाका सचिव शिव पौडेल र कोषाध्यक्ष टिकाराम श्रेष्ठले पेश गरेको सचिव र कोषाध्यक्षको प्रतिवेदन छलफलपछि पारित गरिएको बताइएको छ ।
