रास्वपाको वार्षिकोत्सवका अवसरमा फलफूलका विरुवा रोपण
आँवुखैरेनी । राष्ट्रिय स्वतन्त्र पार्टीको दोश्रो वार्षिकोत्सवका अवसरमा विहीबार तनहुँको आँवुखैरेनी क्याम्पसको हाताभित्र विभिन्न जातका फलफूलका विरुवा रुपण गरिएको छ ।
रास्वपा आँवुखैरेनीको नेतृत्वमा क्याम्पस सञ्चालक समिति तथा स्थानीयहरुको उपस्थितिमा क्याम्पस हाताभित्र एभोकाडो, आँप, लिच्ची, कागती लगायतका फलफूलका विरुवा रोपण गरिएको थियो ।
यस्तै, रास्वपाले आँबुखैरेनी, मनकामना जाने बाटो नजिकैको गुफामा सरसफाइ कार्यक्रम समेत गरेको थियो ।
