कपिलबस्तु बस दुर्घटनाः १० जनाको मृत्यु, ३० घाइते
कपिलबस्तु । कपिलबस्तु स्थित पूर्व पश्चिम राजमार्ग अन्तर्गत शिवराज नगरपालिका १ सुरही खोलामा बस दुर्घटनामा दश जनाको मृत्यु भएको छ भने ३० जना घाइते भएका छन् ।
सुदुर पश्चिमको सुनौलो महाकाली यातायातले संचालन गरेको सु–प–प्र–०२–००१ ख ००९८ नम्बरको बस बाटोबाट २ सय मिटर तल खसेको सशस्त्र प्रहरी उपरिक्षक जीवन केसीले बताउनुभयो ।
महेन्द्रनगरबाट काठमाण्डौ तर्फ जादै गरेको यात्रु बस सुरही खोलामा खस्दा १० जनाको मृत्यु भएको प्रहरी उपरिक्षक नवरत्न पौडेलले बताउनुभयो । उहाँका अनुसार चालक सहित ३० जना घाइतेमध्ये १० जनाको अवस्था गम्भिर रहेकोले बुटवल स्थित चौराहा अस्पतालमा उपचारका लागि पठाइएको छ ।
घाईतेहरुलाई उद्धार गरी चन्द्रौटास्थित संजीवनी अस्पताल र आधारभुत स्वास्थ्य के्रन्द्रमा उपचार भइरहेको छ । मृतक र घाईतेको अझै नाम नखुलेको प्रहरी उपरिक्षक पौडेलले बताउनुभयो ।
बसमा ३ जना गाडी स्टाफ र ३७ जना यात्रु गरी ४० जना सवार थिए । घाईतेको उद्धार कार्यका लागि नेपाल र सशस्त्र प्रहरीको टोली राति नै घटना स्थल पुगेको थियो ।
