कालिका मन्दिर क्षेत्रमा डस्बीन राखियो
भञ्ज्याङ न्यूज
सामाजिक कार्यमा सक्रिय रहेको लियो क्लब अफ तनहुँ दमौलीले व्यास-४ स्थित रहेको कालिक मन्दिर परिसरमा फोहोर फाल्ने डस्बीन राखेको छ । व्यास नगरपालिकाको सहयोगमा क्लबले शनिबार एक कार्यक्रम गरी १० वटा डस्बिन राखेको हो ।
कार्यक्रममा व्यास नगरपालिका प्रमुख वैकुण्ठ न्यौपानेले सामाजिक कार्यमा युवाहरुको सक्रियता रहनु राम्रो रहेको बताए। उनले भने, ‘समाजलाई सहि दिशा तर्फलैजान युवाहरुले ठूलो भूमिका खेल्न आवश्यक छ । क्लबले यस्तो कार्यलाई निरन्तरता दिन आवश्यक छ ।’
पछिल्लो समय धार्मिक पर्यटकीय गन्तव्य रुपमा कालिका मन्दिर परिचित रहकाले फोहोर मैला व्यवस्थापनको लागि स्ट्यान्ट सहितको डस्बीन राखिएको क्लबका अध्यक्ष सुनिल मिश्रले जानकारी दिए । सोही दिन मन्दिर परिसरमा सरसफाई पनि गरिएको थियो । क्लबले केही डस्बिन व्यास-३ स्थित अनसन चौतारीमा पनि राखेको छ।
