लाखेनाचमा तनहुँको छङ्गेली नेवा खल द्वितीय

लाखेनाच प्रतियोगितामा तनहुँको छङ्गेली नेवा खल द्वितीय भएको छ । रुपा गाउँपालिका-५ स्थित फेदी नेवा खलले शनिबार आयोजना गरेको प्रतियोगितामा छङ्गेली द्वितीय हुन सफल भएको हो ।

द्वितीय भएको छङ्गेलीले २२ हजार २२२ रुपैयाँ नगद प्राप्त गरेको छ । फेदी नेवा खलका अध्यक्ष मोहन जोशीले छङ्गेलीका अध्यक्ष शेरकुमार कायस्थलाई पुरस्कार प्रदान गरेका थिए ।

प्रतियोगितामा देउराली नेवा खल प्रथम र नेवा खल थर्पु तृतीय भएको छ । प्रतियोगितामा १२ टिमको सहभागिता थियो । छङ्गेली नेवा खलले लाखे नाच संरक्षण गर्दै आएको उपाध्यक्ष चन्द्रकुमार कायस्थले बताए ।

सेयर गर्नुहोस्

प्रतिक्रिया दिनुहोस्

सम्बन्धित खवर