नेपाल बार एशोसिएन तनहुँको अध्यक्षमा हड्खले चयन

नेपाल बार एशोसिएन तनहुँ जिल्ला अदालत बार इकाईको अध्यक्षमा डम्बरदेव हड्खले चयन भएका छन् । इकाईको शुक्रबार दमौलीमा सम्पन्न २०औं अबिधेशनबाट हडखले सर्वसम्मत अध्यक्ष पदमा चयन भएका हुन् ।

इकाईको उपाध्यक्षमा शिवराज काफ्ले, सचिव हरिमान श्रेष्ठ, कोषाध्यक्षमा रबिन्द्र बराकोटी, सहसचिव बिष्णुभक्त सिग्देल चयन भएका छन् । इकाईको सदस्यहरुमा निवर्तमान अध्यक्ष पदेन सदस्य भानुभक्त सुवेदी, त्रिभुवन श्रेष्ठ, बिमल गिरी, बिष्णु हड्खले, माधव घिमिरे, बिष्णु पोखरेल, शिव रेग्मी र चेतनारायण पौडेल चयन भएका छन् ।

यसैगरी केन्द्रीय पार्षदमा शिवदत्त ढकाल, सरीता थापा भण्डारी र केशब भट्टराइ चयन भएका छन् । मानव अधिकार तथा जनसराकार समितिको संयोजकमा हरिश्चन्द्र अर्याललाई चयन भएका छन् भने अन्य दुइ सदस्य पछि थप गरिने बताइएको छ ।

इकाईका निवर्तमान अध्यक्ष भानु सुवेदीको अध्यक्षतामा आयोजित अधिवेशनको जिल्ला न्यायधिश हरिश्चन्द्र ढुंगनाले उद्घाटन गरेका थिए भने निवर्तमान सचिव त्रैलोक्य वाग्लेले सहजिकरण गरेका थिए ।

सेयर गर्नुहोस्

प्रतिक्रिया दिनुहोस्

सम्बन्धित खवर