दुलेगौँडामा स्कुटर र मोटरसाइकल ठक्कर खाद स्कुटर चालकको निधन
भञ्ज्याङ न्यूज
पृथ्वीराजमार्ग अन्तरगत तनहुँको दुलेगौँडामा आइतबार विहानै स्कुटर र मोटरसाइकल ठक्कर खाँदा गम्भिर घाइते भएका शुक्लागण्डकी ८ ढोरफिर्दीका सन्देश भट्टराईको निधन भएको छ ।
उनको पोखरास्थित गण्डकी अस्पतालमा उपचारको क्रममा निधन भएको इलाका प्रहरी कार्यालय बेलचौतराका प्रहरी निरीक्षक जगदिश रेग्मीले जानकारी दिए । मोटरसाइकलमा सवार अमृत श्रेष्ठको टाउकोमा चोट लागेको छ । प्रहरी निरीक्षक रेग्मीका अनुसार उनी अहिले होसमा आएर बोल्न थालेका छन् । श्रेष्ठको गण्डकी अस्पतालमै उपचार भइरहेको छ ।
गाछेपानीबाट आउँदै गरेको ग१३प ६२५ नं को स्कुटर र विपरीत दिशाबाट जाँदै गरेको ग१९प ३७०६ नं को मोटरसाइकल एक आपसमा ठक्कर खाँदा दुर्घट्ना भएको हो । घट्नाबारे प्रहरीले अनुसन्धान गरिरहेको छ ।
