तनहुँ-१ उपनिर्वाचन : करिब ५२ प्रतिशत मत खस्यो, मतदानमा महिलाको सहभागिता बढि (पालिकासहितको विवरण)
भञ्ज्याङ न्यूज
तनहुँ निर्वाचन क्षेत्र नं. १ मा प्रतिनिधिसभा सदस्यका लागि आइतबार भएको उपनिर्वाचनमा करिब ५२ प्रतिशत मत खसेको छ । बिहान ७ देखि ५ बजेसम्म भएको मतदान शान्तिपूर्ण रुपमा सम्पन्न भएको मुख्य निर्वाचन अधिकृतको कार्यालयले जनाएको छ ।
२ नगरपालिका र ३ गाउँपालिका रहेको यस निर्वाचन क्षेत्रमा उपनिर्वाचनका लागि ६९ मतदान स्थलमा १५२ मतदान केन्द्र कायम गरिएको थियो । निर्वाचन सम्पन्नका लागि एक हजार ३६८ कर्मचारी परिचालन गरिएको थियो ।
उपनिर्वाचनका लागि यस निर्वाचन क्षेत्रमा महिलातर्फ६३ हजार ७६५ र पुरुषतर्फ ५९ हजार ५४० गरी कूल १ लाख २३ हजार ३०५ जना मतदाता कायम रहेकामा ६३ हजार ७५७ जना मतदान कार्यमा सहभागि भएको जिल्ला निर्वाचन कार्यालय तनहुँले प्रारम्भिक विवरण र्सार्वजनिक गरेको छ ।
र्सार्वजनिक विवरण अनुसार उपनिर्वाचनमा ५१ दशमलव ७१ प्रतिशत मत खसेको छ । गत मंसिर ४ मा सम्पन्न आमनिर्वाचनमा क्षेत्र नं १ मा ५४ दशमलव ०३ प्रतिशत मतदान भएको थियो ।
र्सार्वजनिक प्रारम्भिक विवरण अनुसार उपनिर्वाचनका लागि आँवुखैरेनी गाउँपालिकाका १३ हजार ६२२ मतदाता मध्ये २ हजार ४६० महिला र ३ हजार ३०९ जना पुरुष गरी ६ हजार ७६९ जनाले मतदान गरेका छन् ।
देवघाट गाउँपालिकाका १२ हजार ७१२ मतदाता मध्ये २ हजार ८९७ महिला र २ हजार ९५७ पुरुष गरी ५ हजार ८५४ जना मतदाताले मतदान गरेका छन् ।
बन्दिपुर गाउँपालिकाका १५ हजार ६७८ मतदाता मध्ये ४ हजार १३० जना महिला र ३ हजार ७ सय पुरुष गरी ७ हजार ८३० जनाले मतदान गरेका छन् ।
यस्तै, भानु नगरपालिकाका ४० हजार ४४९ जना मतदाता मध्ये ११ हजार २६२ महिला र ९ हजार ६१७ पुरुष गरी २० हजार ८७९ जना मतदानमा सहभागि भएका छन् ।
व्यास नगरपालिकाका ४० हजार ४४९ जना मतदाता मध्ये १२ हजार ३१८ महिला र १० हजार १०७ पुरुष गरी २२ हजार ४२५ जनाले मतदान गरेको प्रारम्भिक विवरण र्सार्वजनिक गरिएको छ ।
जिल्ला निर्वाचन कार्यालय तनहुँका अनुसार तनहुँ-१ मा सम्पन्न उपनिर्वाचनमा कायम रहेका १ हजार २३ हजार ३०५ मतदाता मध्ये ३४ हजार ६७ जना महिला र २९ हजार ६९० पुरुष गरी ६३ हजार ७५७ जनाले मतदान कार्यमा सहभागि भएका छन् ।
यस्तै, तनहुँ-१ मा सम्पन्न उपनिर्वाचन शान्तिपूर्ण र उल्लासमय वातावरणमा सम्पन्न भएको निर्वाचन आयोगका प्रवक्ता शालिकराम पौडेलले बताए । मतदानको समय अवधिभर मतदान स्थलहरुमा कुनै प्रकारको होहल्ला नभएको र सौहार्दपूर्ण वातावरणमा मतदाताहरु उत्साहपूर्वक रुपमा सहभागि भइ आफ्नो मताधिकार प्रयोग गरेको प्रवक्ता पौडेलले बताए ।
यस्तै, मतदान कार्य सम्पन्न पश्चात मतदान केन्द्रबाट मतपेटिका मुख्य निर्वाचन अधिकृतको कार्यालयमा ल्याइएको छ । मुख्य निर्वाचन अधिकृतको कार्यालयमा ल्याइपुर्याइएको मतपेटिका सुरक्षित रुपमा राखिएको छ । मतगणना गर्ने बारे र्सवदलीय बैठक आव्हान गरी सम्भवता आजबाटै मतगणना गर्ने गरी तयारी भएको प्रवक्ता पौडेलले बताएका छन् ।
मतपेटिका मतगणनास्थलमा ल्याइसकेपछि प्रतिनिधिसभा सदस्य तथा प्रदेशसभा सदस्य निर्वाचन -मतगणना) निर्देशिका, २०७९ र मतगणनाबारे आज आयोगले दिएको विशेष निर्देशनबमोजिम दल तथा उम्मेदवारसँग सहमति जुर्टाई यही वैशाख १२ गतेभित्र परिणाम र्सार्वजनिक गर्ने गरी मतगणना प्रारम्भ गरिनेछ ।
निर्वाचनको स्वतन्त्रता र निष्पक्षतामा कहीँ कतैबाट विवाद हुन नदिन र त्यस्तो अवस्था सृजना भएमा निर्वाचन विवाद (सुनुवाइ र निरुपण) सम्बन्धी कार्यविधि, २०७६ बमोजिम विवाद निरुपण गरी कार्य गर्न आयोगले सम्बन्धित मुख्य निर्वाचन अधिकृतलाई निर्देशन दिइएको आयोगका उपसचिव कमल ज्ञवालीले जानकारी दिनुभयो ।
