दमौली बजार इकाई सभापतिमा मल्ल सहित सदस्यहरु सर्वसम्मत चयन

तनहुँ उद्योग वाणिज्य संघ दमौली बजार इकाईको १२औं अधिवेशनबाट सुकनारायण मल्ल सर्वसम्बत सभापतिमा चयन भएका छन् । सभापति पदका लागि मल्ल सहित तीन जनाको उम्मेदवारी दर्ता भएको थियो । सभापति पदका आकांक्षि राजकुमार श्रेष्ठ राकु र बिन्दु श्रेष्ठले मल्ललाई समर्थन गरी उम्मेदवारी फिर्ता लिएपछि मल्ल सर्वसम्मत सभापति पदमा चयन भएका ह्न ।

इकाइको सभापतिसँगै सदस्यहरु पनि सर्वसम्वत चयन भएका छन् । इकाईको सदस्यहरुमा अनिलकुमार श्रेष्ठ, अनुप दाहाल, अर्जुन पौडेल, बलराम वाग्ले, बीरबहादुर नेपाली, बिष्णुकुमार कायस्थ, चिजकुमार श्रेष्ठ, नारायण सापकोटा, पोष्टमान श्रेष्ठ, रबि भुजेल, प्रकाश श्रेष्ठ, संगम घर्ती, ठाकुर प्रसाद पौडेल र टिकाराम गिरी सर्वसम्मत चयन भएको बताइएको छ ।

यस्तै, सभापति र सदस्य सर्वसम्मत भएपनि जिल्ला प्रतिनिधि, उपसभापति र कोषाध्यक्षमा भने मतदान भएको छ । पाँच जना जिल्ला प्रतिनिधि पदमा १२ जनाको उम्मेवारी रहेको छ भने, उपसभापति पदमा ५ जना र कोषाध्यक्ष पदका लागि ४ जनाको उम्मेदवारी परेको छ ।

सर्वसम्मत नभएका पदमा आइतबार भएको निर्वाचनमा ६२ प्रतिशत मत खसेको छ । कुल ७६२ जना मतदाता मध्ये ४७६ जनाले मात्र मतदान गरेको निर्वाचन संयोजक भिमलाल श्रेष्ठले जानकारी गराए । दिउँसो २ बजेदेखि सुरु भएको मतदान ५:३० बजेसम्म चलेको थियो। इकाईको उपसभापतिमा इन्द्रलाल श्रेष्ठ, राजेन मियाँ र शेषराज श्रेष्ठबीच प्रतिस्पर्धा भएको छ । त्यस्तै कोषाध्यक्षका लागि हर्षान श्रेष्ठ, लालप्रसाद प्रधान, नारायण मल्ल र युवराज भण्डारी बीच चुनावी प्रतिस्पर्धा भएको छ ।

यस्तै, जिल्ला प्रतिनिधिका लागि भरतकुमार श्रेष्ठ, भूपाल आले मगर, वीरेन्द्रकुमार श्रेष्ठ, ब्रजेज साह तेली, एकप्रसाद श्रेष्ठ, किनकुमार श्रेष्ठ, माधव न्यौपाने, मोहम्मद सलिम मियाँ, महेशकुमार मल्ल, नविन श्रेष्ठ, प्रकाश श्रेष्ठ र राजेन्द्र श्रेष्ठबीच चुनावी प्रतिस्पर्धा भएको छ ।

सेयर गर्नुहोस्

प्रतिक्रिया दिनुहोस्

सम्बन्धित खवर